United Seychelles i donn son reaksyon lo demisyon Onorab Waven William dan Parti |08 August 2020

United Seychelles in donn son reaksyon swivan lanons par Onorab Waven William dan Lasanble Zedi ki i pe demisyonnen konman en manm sa parti.

Dan en kominike lapres, United Seychelles i fer sa bann remark swivan:

“United Seychelles in not lanons Onorab Waven William ki i’n sorti dan Parti.

United Seychelles in byen akeyi sa leklersisman ki Onorab William in fer.

“United Seychelles i remersye Onorab William pour tou travay ki i’n fer konman en manm Parti e konman manm Lasanble Nasyonal lo platform Parti e swet li bonn sans dan son lavi personnel e profesyonnel, enkli dan nouvo lafanmir politik ki i al ladan.

“United Seychelles i reasir zabitan Grand Anse ki nou pou kontinyen travay pour zot e pour larestan Sesel sirtou dan sa letan difisil ki nou ladan kot nou Parti pe demann tou Seselwa pour koste pour sov lekonomi Sesel fas a enn bann pli gro defi nou legzistans.”

Kominike United Seychelles