Lasanble Nasyonal i termin 1e trimes travay e al dan recess |14 April 2022

Lasanble Nasyonal in termin son 1e trimes travay pour sa lannen yer apremidi e i ekspekte repran son travay pour 2enm trimes, Mardi le 10 Me, 2022.

Son travay pour sa dernyen de zour sa trimes ti enkli plizyer kestyon e osi de mosyon ki ti ganny debat e aprouve par bann manmapre bann long sesyon deba.

Enn sa mosyon ti’n table par manm Lasanble Nayonal pour distrik Glacis, Onorab Regina Esparon ki ti’n rekomand avek Lasanble ki gouvernman i met an plas bann polisi kler, e reviz lalwa kot i neseser pour protez bann travayer ki ganny agrese fizikman e seksyelman dan landrwa travay.

Dezyenm mosyon ti table par Onorab François Adelaide sorti Baie Lazare e lii ti’n rekomande ki dan en bi pour asir devlopman soutenab ekonomik e sosyal, an prezervan nou lanvironnman e anrisir nou pei, Lasanble Nasyonal i aprouve pour etabli en komite sektoryel ki pou travay pre avek sa bann departman, e dan sa bann domenn swivan:lagrikiltir, lanvironnman, lenerzi renouvlab, sanzman klima, bann zil e lekonomi ble.

Marie-Anne Lepathy