Festival Kreol 2026 |03 October 2026
Selebre nou!
Festival Kreol in vin en levennman enportan dan kalandriye kiltirel Sesel – en moman kot kominote i zwenn ansanm pour selebre nou kiltir Kreol atraver langaz, lanmizik, ladans, manze, lar ek bann tradisyon ki’n ganny transmet depi en zenerasyon ziska en lot. Selebrasyon 41enm edisyon Festival Kreol in retourn Sesel depi le premye Oktob e pou kontinyen ziska le 31 Oktob, en mwan selebrasyon kiltir, leritaz ek tradisyon.
Sa lannen, Festival i annan en sinifikasyon ankor pli profon, akoz Sesel pe selebre son 50enm lannen konman en nasyon. Dan sa moman istorik, Festival Kreol i envit tou dimoun pour selebre pa zis larises kiltir Kreol, me osi son pep ek sa lidantite ki nou tou nou partaze, e ki dan leker listwar Sesel.
Depi ladans Moutya ek bann performans Sega ziska bann bon loder manze Kreol ek lasaler bann selebrasyon kominoter, Festival Kreol i reflekte lespri vivan Sesel. Dan Victoria ziska Beau Vallon, e partou dan bann zil Mahe, Praslin ek La Digue, Sesel pe prepar li pour en selebrasyon vibran nou kiltir Kreol, dan rasanbleman lanmizik, spor, lar, leritaz ek bann tradisyon dan nou bann kominote.
Program 2026 i promet en kalandriye ranpli avek bann aktivite pour zabitan osi byen ki viziter.
To continue reading, please click here to subscribe to Seychelles NATION’s e copy