Minister Ledikasyon i kondann sirkilasyon video lo rezo sosyal |28 October 2021
Swivan en video ki pe sirkile lo rezo sosyal konsernan partisipasyon en zenn dan progranm kwiz, Minister Ledikasyon in fortman kondann tel aksyon.
“Minister i touzour ankouraz tou zanfan pour partisip dan bann aktivite ki valab pour zot devlopman kontinyel. Bann zanfan, tel aksyon negativ pa devret fer zot dekouraze dan okenn fason,” Minister Ledikasyon in dir dan en kominike.
“I malere ki dan nou sosyete, nou annan dimoun ki pa rekonnet ditor ki zot aporte pour nou bann zenn. Sa dimoun ki’n fer sa klip, i devret anbarase pour servi son lentelizans dan sa fason,» sa kominike i azoute.
Kominike sorti kot Minister Ledikasyon