Sizyenm Dimans moutya i anim ‘Fun Park’ Anse Royale |12 July 2018

Plizyer mizisyen ek santer lokal byen koni lokalman ti zwenn ansanm pour anim lazournen Dimans kot Fun Park Anse Royale pour en Dimans Moutya. Benn Leko ti pe larg bann lanmizik moutya tandis ki santer tel ki Joseph Sinon ek son benn Tanmi, Marie Antoinette Dodin, Jean-Marc Volcy ek lezot ankor ti kit dimoun ki ti la lo zot lipye e fer zot roule avek sa bann bon laganm moutya ki zot ti pe anvoye.

Sa lazournen ti organize par Lasosiasyon Mizisyen Sesel (Seymas), an  kolaborasyon avek Konsey Nasyonal pour Lar (NAC) ek CINEA.

I fer zot sizyenm edisyon en tel aktivite.

Lazournen ti konmans 10er bomaten e ale ziska tar dan lannwit.

Nou seri portre i montre en pe lanbyans kot sa aktivite.

M.J.