Kominike Lapolis |01 March 2017

Lapolis in raporte ki Tania Salomon, en madanm 23-an ki reste Beau Vallon, ti ganny sertifye mor ver 8:30 yer bomaten apre ki i ti’n ganny trouve ater dan twalet pa pe ‘respond’ pli boner. 

Dapre rapor sete tonton Tania ki ti vwar li ater letan i ti pe al servi twalet e la i ti enform papa sa defen ki a son tour ti enform lapolis lo sa lensidan ver 6:50.

Lapolis pe fer lanket annatandan rezilta letopsi pour etabli lakoz lanmor Tania, ki ti en pasyan bebelouka.