Kominike Lapolis |08 November 2014

Lapolis in raporte ki en zonm aze 20-an e ki reste Cascade ti yer apremidi ganny transporte Lopital
Sesel apre ki en trakter ti mont lo son lipye dan landrwa kot i zet salte (landfill) Providence.

Dapre  lenformasyon  drayver trakter, en zonm 54-an ki reste La Retraite, pa ti vwar sa zonm 20-an letan i ti mont lo son lipye.
Sa zonm  ki’n kas son lipye kote gos in bezwen al dan lasal loperasyon.

Lapolis ti resevwar sa rapor anviron 1er50 yer. Antretan ki zot kontiny lanket dan sa lensidan, lapolis i ankor enn fwa fer rapel manm pilblik ki i en lofans pour antre kot landfill Providence san permisyon.