Bato Le Cerf i koule-Trwa zonm i reini avek zot fanmir apre pas 5 erdtan lo lanmer |10 September 2012

Sa trwa zonm ti a pe retourn Mae lo bato Le Cerf letan zot bato ti konmans pran delo apre ki zot ti’n kit zil Cousine.  Avan ki bato Le Cerf ti koule, sa trwa zonm ti’n reisi met bato sovtaz dan delo apre mont abor.

Sa lensidan ti ariv ver 5er20 vandredi pase.
Menm si zot ti perdi zot flez akoz gro laroul, sa trwa zonm ti reisi gard kontak avek bann lotorite konsernen atraver telefonn portab.

Apre ki bann lotorite enkli Gard Lakot Sesel ki ti anvoy bat Andromache dan sa rezyon kot sa lensidan ti’n arive, se bato Elle ki ti ranmas sa trwa zonm.

Bato Le Cerf ti pour lakonpanyen Mason’s Travel.
Monthy ti patron lo bato Le Cerf, Samedi segon et Vital i en etidyan Sant Formasyon Maritim ki atase avek sa lakonpanyen konman parti son letid.