Emmanuel Pierre i pran en lot pa dan son karyer lanmizik |23 February 2008

Sa in vin atraver lansman son 2enm albonm avek tit Zantiman, ki lo marse depi konmansman sa semenn.
Nouvo travay Pierre i konpri 14 morso tre varye, depi sega, reggae, zouk ziska sanson romantik.

Zantiman limenm, ki en balad, i aparet de fwa lo sa albonm -- sante par Pierre limenm e osi par santez popiler, Marie-Antoinette Dodin.

Apard Dodin, plizyer artis in osi partisip avek Pierre lo sa CD, ki in prodwir a son prop kou avek led detrwa sponsors.
Sa santer i dir ki Zantiman i en fason fer keksoz avek bokou tandres ek lanmour, e ki se sa ki’n enspir li pour reisi anmenm sa 2enm CD anver son bann fan.
Albonm Zantiman i anvant dan bann landrwa labitid.