Mesaz Minis Bernstein pour Lazournen Enternasyonal Lalang Maternel – le 21 Fevriye 2026 |21 February 2026

‘Nou Lalang Maternel i annan pouvwar pour inir e enspir nou’

“Anyelman, le 21 Fevriye i ganny dedye pour selebrasyon Lazournen Enternasyonal bann Lalang Maternel, e i ganny obzerve pour met lanfaz lo rol ek lenportans bann Lalang Maternel, pour favoriz diversite kiltirel e lengwistik, linite, kominikasyon ant bann sitwayen ek bann pep atraver lemonn. I osi viz ver promosyon diversite lengwistik e kiltirel, prezervasyon ek proteksyon tou bann Lalang Maternel, sirtou tou bann ki an menas disparisyon.