Gouvernman i double lasistans finansyel pour servis swen zanfan |07 February 2026
Gouvernman in ofisyelman donn son laprouvasyon pour en nouvo progranm sosyal ki ekspekte anmenn en gran soulazman pour paran Seselwa konsidere koman vilnerab. Sa linisyativ, ‘Progranm Lasistans pour Servis Swen Zanfan’, se pour asire ki devlopman pti lanfans i reste en priyorite nasyonal.
Sa progranm in met anplas par Lazans Proteksyon Sosyal (ASP) an kolaborasyon avek Lenstiti pour Devlopman Pti Lanfans (IECD).
Dan en konferansdepres yer kot biro ASP kot ansyen Sacos Tower anvil, reprezantan sa lazans, depite sef egzekitif Darius Jolicoeur ek direkter loperasyon, Julianna Augustin, akonpannyen par sef egzekitif IECD, Shirley Choppy, ti donn plis detay lo sa progranm.
En pwen sa progranm i logmantasyon sibstansyel dan larzan ki en fanmir i kapab resevwar pour asiste zot pour pey servis swen zanfan. Sa progranm ki an egzistans pour plizyer lannen deza, ti oparavan ofer en sipor 750 roupi par mwan. Me avek laprouvasyon gouvernman, sa sonm in aprezan double pour ariv 1500 roupi par mwan pour sak zanfan ki kalifye. Sa logmantasyon 750 roupi pou pran lefe le 1 Mars 2026.
To continue reading, please click here to subscribe to Seychelles NATION’s e copy