Kominike lapolis |12 July 2025
De ansyen travayer labank i kondannen pour vol larzan en pansyonner
Lakour Mazistra, Ile du Port, in kondann Brigitte Robert aze 31-an ek Cindy Cousin aze 33-an, pour lofans vole dan en landrwa travay.
Sa i swivan lanket fer par seksyon krim komersyal ki tonm dan younit krim finansyel (FCIU). Lanket ti dekouver ki konmansman le 31 Mars 2021, ziska le 11 Mars 2022, sa de ansyen travayer labank – Brigitte Robert ek Cindy Cousin – ti pe ganny larzan lo kont en pansyonner ilegalman, kot en sonm 178 mil roupi antou ti’n ganny vole.
Mazistra in enpoz en santans separe lo Robert ek Cousin, kot sakenn in kondann 2-an prizon, ki’n ganny sispann pour en peryod 3-an, avek sakenn en lanmann 94 mil roupi ki zot pou bezwen peye avan le 31 Desanm 2025. Mazistra in ordonnen ki en sonm 89 mil roupi dan sakenn sa lanmann pou ganny retire e pou al konman en konpansasyon pour sa viktim.
Mazistra in osi averti zot ki si pandan sa 3-an zot komet okenn lofans, ki ganny pini anba en santans prizon, zot pou ganny anmennen devan lakour e zot santans prizon pou vin aktiv. E si zot pa pey zot kosyon 94 mil roupi avan le 31 Desanm 2025 zot pou deservi en term 2-an prizon. To continue reading, please click here to subscribe to Seychelles NATION’s e copy