Lafet Zanfan 2025 |02 June 2025
En lazournen avek bann zanfan Grand Anse Praslin primer
Si i annan en zour ki paran pa ganny bokou problenm pour fer bann pti zanfan leve pour al lekol se byensir pour Lafet Zanfan.
Byen boner zot in leve pe eksite pour al lekol. Zot konnen ki laklas pa pou parey toulezour. Bann dekorasyon tou sort kouler pou ganny mete anler e sa zour pou napa leson. Laklas pou degiz an en zoli lasal ki’n pare pour en parti. Ki pli bon ki sa!
Bann pli pti dan lakres i ganny sans vin lekol dan zot lenz kouler. La ou a vwar bann pti fiy dan zot bann zoli rob koloran, diferan stil pennyen, pti soulye klate ouswa menm avek en pti talon. I annan osi ki met son pti makiyaz e pa bliy zot kaba osi. Bann pti garson osi zot byen abiye dan zot triko ouswa semiz, kannson kourt ek zot soulye. Be pa i gou get zot!
Sa zour i enn spesyal akoz nou selebre zot linosans e lavi. I sa zour kot nou fer zot rapel zot lenportans e rol dan nou sosyete. Nou fer zot konnen ki zot ganny valorize, respekte e proteze.
To continue reading, please click here to subscribe to Seychelles NATION’s e copy