Miette Derothée i selebre 101-an |14 March 2025
Par Anika Cathene
“Mon kontan mon’n ariv 101-an, e zis Bondye ki konnen akoz mon’n ariv sa laz, » Madanm Miette Derothée ti eksprimen pandan selebrasyon son lanniverser yer.
Abiye dan en zoli rob blan ek en zoli sourir, Madanm Derothée ti selebre son lanniverser 101-an yer pandan en lanmes kot legliz Saint Michel Archange, Anse Aux Pins.
Sa lanmes ti deroul dan prezans Madanm Linda Ramkalawan, manm elekte pour distrik Au Cap, Onorab Kelly Samynadin, manm fanmir ek zanmi Madanm Derothée.
Madanm Derothée ti ne le 13 mars 1924 Bougainville dan distrik Anse Royale kot apre in bouz Au Cap. An se moman i pe reste avek enn son nyes e sa i vin apre ki i ti perdi son lakaz dan en dife resaman. Sa santener i dezyenm parmi set zanfan. I osi annan de zanfan sa i May Youpa ek Isabelle Bijoux, sis pti zanfan ek en aryer pti zanfan.
To continue reading, please click here to subscribe to Seychelles NATION’s e copy