Kominike Lapolis |03 March 2025
De moter i enplike dan en aksidan
- En zenn-onm dan en leta kritik e en garson anba lobzervasyon Lopital Sesel
En zenn-onm 20-an sorti La Retraite in admit dan Younit Swen Entansif Lopital Sesel e son kondisyon in ganny dekrir konman kritik tandiski en garson 16-an sorti Copolia li i ankor anba lobzervasyon Lopital Sesel.
Sa i anrezilta en aksidan ki’n enplik de moter ki ti arive yer granmaten anfas Sant Lasante English River.
Lapolis ti ganny alerte lo sa aksidan ver 1er 55 bomaten pour lasistans, e en lanket detaye in konmanse dan sa enn ka.