Zelev primer i aprann plis lo lenportans lalang maternel |20 February 2025
Par Chelsea Laporte
Zelev sorti dan senk lekol primer ti ralye kot biro ladministrasyon distrik Roche Caïman yer pour selebre Lazournen Lalang Martenel, en aktivite organize par Lakademi Kreol Sesel.
Sa senk lekol i Mont Fleuri, Anse Etoile, La Rosière, Bel Eau ek Plaisance.
Bann zelev ti partisip dan diferan aktivite edikasyonnel, tel ki mo krwaze, ‘charades’, parmi lezot.
Direkter pour Devlopman Langaz, Literatir ek Tradiksyon, Erica Fanchette, ti dir ki bi sa aktivite sete pour selebre 25-an depi ki Lorganizasyon Nasyon Zini pour Ledikasyon, Lasyans ek Kiltir (Unesco) in deklar le 21 Fevriye konman Lazournen Enternasyonal Lalang Maternel.
“Nou kot Lakademi Kreol Sesel nou bi se pour edik bann zenn lo lenportans lalang maternel. Nou anvi montre zot ki nou lalang maternel i sa premye lalang ki nou’n vin an kontak avek dan laplipar lakour, sa lalang ki nou mazin ladan, ki nou dispit ladan e ki nou konpoz ladan,” i ti dir
Madanm Fanchette ti osi note ki parey Angle ek Franse, nou lalang i osi enportan, akoz i en lalang aparantyer.
To continue reading, please click here to subscribe to Seychelles NATION’s e copy