Kominike Lapolis |27 March 2023
Kondisyon sa madanm ki ti’n ganny pike pe amelyore
Sa madanm ki ti’n ganny pike avek en lobze pwent anba bus stop kot Vines anvil le 22 Mars 2023 e ki ti’n admit dan younit swen entansiv kot Lopital Sesel, in aprezan ganny transfer lo ward e son kondisyon i stab.
*****
En zonm i ganny tape avek en transpor e i admit dan younit swen entansiv
En zonm aze 27-an sorti Green Estate, Au Cap in admit dan younit swen entansiv kot Lopital Sesel e son kondisyon in ganny dekrir konman kritik.
Sa i apre ki sa zonm ti’n ganny tape avek en transpor ki ti pe fer direksyon Casuarina, Au Cap an sortan ver lavil. Drayver sa transpor i en zonn 41-an sorti Au Cap e in pas atraver serten prosedir lanket apre plitar ganny large lo en ‘bail’ kot i pou raporte ozordi, Lendi.
Antretan lapolis i kontinyen avek zot lanket dan sa enn ka pour etablir sirkonstans otour sa aksidan.
Kominike sorti kot departman lapolis