Refleksyon bann peser alokazyon lasemenn dedye a lapes |30 November 2022
Nelson Azemia
“Lapes osi i annan son dezavantaz. Ler i annan i annan, ler napa..napa!” – Nelson Azemia (Machabée)
“Mon annan 33-an depi ler mon pe fer sa louvraz delo sale e pas lasenn. Pour mwan travay ek lasenn i en keksoz enteresan. Mon’n konmans par mon papa, mon gran frer osi in swiv e la mon garson osi in swiv. En zenerasyon! An zeneral i annan en pti profi dan sa metye me lontan ti annan plis. Konmela i annan bokou konpetisyon e pri i desann.
“Nou al lapes enpe partou – Anse aux Pins, Pointe Larue, Cascade, Beau Vallon.
Parkont lapes osi en ler i annan son dezavantaz. Ler i annan i annan, ler napa..napa!
Bann zenn konmela pa oule lapes akoz zot war i difisil e zot oule ganny larzan fasil. Selman i en louvraz ki enteresan. I gou ler ou travay e ou ganny en pti zournen. Granmaten konman mon leve, lapli, loraz ou zekler, mon pe sot deor pour mwan al lapes.”
En kontribisyon Lotorite Lapes Sesel