En zonm lo rimann i esey pann son lekor |11 October 2021

En zonm 32-an ki lo rimann konman sispe dan en ka vol, in esey pann son lekor an servan son ‘boxer’.

Sa lensidan ti ariv dan kaso Quatre Bornes Takamaka Sanmdi apremidi.

Zofisye ki ti lo sentri kot sa stasyon ti apersevwar sa lesey, ki a son tour ti reazir vreman vit e sitiasyon ti ganny met anba kontrol kot sa sispe in ganny transporte lopital pour swen medikal e apre ganny large.

Sa sispe i kontinyen reste an detansyon lapolis ziska ki i pou repas ankour.

Antretan lapolis i kontinyen avek zot lanket dan sa ka.

Kominike Lapolis