Kominike Lapolis-En pti fiy 2-an in prezimen noye Bird Island |05 July 2008

Ti ver 7.30 diswar ki lapolis ti ganny enformen ki Frankline ti’n disparet deor kot lakour son paran ki ti pe reste pa lwen avek lanmer lo sa zil. 

Resers pour retrouv sa pti fiy Zedi swar ti anven, e ver 6.30 yer bomaten lekor Frankline ti ganny trouve lo lans anviron en 300 met zistans ek lakour son paran.

Lapolis pe esper rezilta letopsi pour determin lakoz son lanmor.

Kas batiman e vole

En zonm pe rimann

Lapolis in raporte ki en zonm 39-an sorti La Digue me ki pe reste Cascade ti pas ankour yer an koneksyon avek lofans kas batiman e vole.
Sa lensidan ti ariv lo Lari Larevolisyon pandan lannwit le 12 a 13 Me kot en laboutik ti ganny kase e plizyer lobze elektronik, telefonn portab, camera ek mont ti ganny vole. 
Lakour in ordonnen ki sa sispe i ganny rimann an detansyon lapolis ziska le 8 Zilyet zour ki i pou repas ankour.

En madanm i kondannen pour pa respekte peyman alimoni

Lapolis in raporte ki Lakour Tribinal Lafanmiy in kondann Sharon Mellie, en madanm 24-an sorti Cascade, 4 mwan prizon pour pas respekte peyman larzan alimoni.