Barry Larue i manke pour plis ki 1 mwan |22 April 2021

Lapolis in raporte ki Barry Larue aze 42-an, sa zonm trouve dan sa portre, in ganny raporte manke pour plis ki 1 mwan. Rapor ti ganny fer stasyon Anse Aux Pins par son ser.

Barry i en zabitan Bodanmyen, Anse Aux Pins.

Son ser in dir avek lapolis ki dernyen fwa i ti trouv son frer pe al pros lo 2 mwan letan ki son frer ti enform li ki i pe al en voyaz lapes pour en mwan.

CID in konmans lanket dan sa ka swivan disparisyon Barry, raporte Lendi.

Antretan ki zefor pe fer pour retrouv li oubyen pour konnen kwa ki’n kapab arive avek li, lapolis pe lans lapel avek nenport endividi ki annan lenformasyon kredib ki kapab ede avek zot lanket pour silvouple kontakte biro CID oubyen nimero 2641935.

Lapolis pe garanti piblik ki tou lenformasyon resevwar pou ganny trete avek konfidansyalite.

Kominike lapolis