Lafimen en dife brousay i afekte serten etidyan lekol Perseverance |20 October 2020

En ventenn etidyan lekol Perseverance primer ti ganny anmennen kot klinik pour ganny trete an konsekans en dife brousay ki ti’n pran obor en laboutik sa distrik.

En kominike sorti kot minister ledikasyon i dir ki se lafimen sa dife ki’n ganny pouse par divan ver sa lekol ki’n afekte sa bann etidyan.

Minister i dir ki laplipar sa bann etidyan in ganny konze.

Dapre sa kominike, se bann laklas an fas espesyalman P2, P3 ek P4 ki’n ganny afekte avek sa lafimen.

Minister i dir ki servis tenny dife ek lanbilans ti ganny apele tandis ki dokter ek ners in vin kot lekol pour evalye sitiasyon.

Paran bann etidyan konsernen ti osi ganny apele.

Minister in remersye tou dimoun ki’n ede dan en fason ou en lot.

Kominike sorti kot Minister Ledikasyon ek Devlopman Resours Imen