Bonn fet 103-an Madanm Esterilia Lemiel! |11 July 2026
Madanm Esterilia Lemiel, ki en zabitan distrik Grand Anse Praslin, ti selebre ankor en zoli laz yer – 103-an.
Son fiy Alice Gamatis, ki touzour la akote son manman, ti’n fer sir ki lakaz ti’n byen dekore avek bann roz pour sa lokazyon.
Labitid sa santener i pas preski tou son letan lo son lili me yer pour sa lazournen vreman spesyal, i ti vin dan salon.
Madanm Lemiel i reste avek son fiy Madanm Gamatis.
An Mars sa lannen, Seychelles NATION ti rann en pti vizit kot lakour Madanm Gamatis pour konn plis lo lavi dan lakour avek en santener.
Madanm Gamatis ti dir ki dan letan zenn, son manman ti kontan travay e bann tel louvraz ti enkli drese kot bann madanm, lev bal kannel e menm plante dan bitasyon pour sonny son bann zanfan.
Lekip Seychelles NATION i swet Madanm Lemiel bonn sante ek kouraz.
Teks ek portre: Mandy Bertin