Minis Lanplwa ek Zafer Sosyal i reponn kestyon lasanble |22 May 2025
Minis Lanplwa ek Zafer Sosyal i reponn kestyon lasanble
Minis pour Lanplwa ek Zafer Sosyal, Patricia Francourt, ti dan Lasanble Nasyonal Mardi bomaten pour reponn plizyer kestyon konsernan son minister.
Parmi ti enn par manm elekte pour distrik Plaisance, Onorab Richard Labrosse, ki ti oule konnen si minister pe mazin met en progranm travay pour bann dimoun ki lo progranm methadone e ki anvi en sans pour travay.
Dan son larepons, Minis Francourt ti dir ki departman lanplwa i deza annan en progranm anplas, sirtou anba progranm ‘re-skilling’ pour dimoun ki ganny konsidere a risk oubyen vilnerab e sa i enkli dimoun ki resevwar tretman anba progranm ‘methadone’.
I ti fer remarke ki an partenarya avek divizyon prevensyon labi sibstans, tretman ek reabilitasyon (DSAPTR) dan Minister Lasante, zot anrezistre selman 10 partisipan lo sa progranm re-skilling par lannen ki al pour en peryod sis mwan. La zot aprann plizyer teknik pour remet zot lekor lo bon semen, etik travay, sesyon terapi ensi ki fer travay pratik dan landrwa travay, an preparasyon pour zot rantre dan lanplwa.
To continue reading, please click here to subscribe to Seychelles NATION’s e copy