13 endividi i ganny rekonnet pour zot kontribisyon anver leritaz Sesel |26 April 2025
Madanm Jessy Freminot (o milye) pe resevwar son pri (Portre: Kurtrine Albert)
Par Laura Pillay
Trez endividi, ki enkli bann ansyen travayer dan domenn kiltirel Sesel, in ganny rekonnet e rekonpanse, pandan en seremoni remiz pri, yer swar kot restoran Vye Marmit, Domaine de Val de Près.
Organize par Konsey Nasyonal pour Resours Leritaz Sesel, sa premye edisyon Heritage Award anba tenm ‘Zanmi Leritaz’, ti en loportinite pour remersye sa bann endividi, pour zot kontribisyon anver prezervasyon e promosyon leritaz kiltirel, e lidantite nasyonnal ris Sesel. Bann endividi ki ti ganny onore ti: Marie-Anne Adrienne, Elizabeth Balette, Jemmy Dogley, Theophane Rosalie, Camille Azemia, Jessy Freminot, Gabriel Essack, Jean-Claude Mahoune (ki ti reprezante par …….Dokter Penda Choppy), Jenita Laporte e Michel Denousse.
Trwa lezot – Marcel Roselie, Tony Mathiot, e Marietta Matombe – ki’n desede ti osi ganny onore. Plizyer sa bann endividi in travay deryer lasenn, e zot bann zefor pa’n ganny rekonnet e selebre ziska la. Sa 13 endividi in enplike dan lar, lanmizik tradisyonnel, e ladans tradisyonnel, parmi bann lezot pratik, atraver ki zot in promouvwar leritaz Sesel.
To continue reading, please click here to subscribe to Seychelles NATION’s e copy