Follow us on:

Facebook Twitter LinkedIn YouTube

Domestic

Kominike Lapolis |07 February 2023

En madanm 53-an i ganny dekouver prezimen pann kot son lakour

Lapolis pe raporte ki en madanm 53-an in prezimen pann yer granmaten deor kot i ti pe reste Petit Paris.

Sa lensidan ti ganny raporte avek kordgard Anse Aux Pins ver 5er bomaten.

Lapolis in ouver en lanket antretan ki zot pe esper rezilta letopsi pour etablir lakoz egzakt son lanmor.

 

******

 

En zonm ek en madanm Ris i ganny sarze pour omisid envolonter

 

En zonm 39-an ek en madanm 29-an, toulede avek nasyonalite Ris, in formelman ganny sarze devan Lakour Siprenm yer bomaten pour lofans omisid envolonter e kriote kont en zanfan ki ganny trouve anba ‘Children’s Act section 70 ( 1 B )’.

Sa i an relasyon avek sa lensidan boner Zanvye sa lannen kot en pti baba 17 mwan ti ganny kite dan en transpor dan ‘car park’ en gym dan distrik Anse Royale e ganny sertifye mor plitar kot sant Lasante Anse Royale.

Sarz ki’n ganny mete kont sa zonm ek sa madanm Ris i vin apre ki lapolis in resevwar rapor letopsi fer lo lekor sa pti baba. Dapre patolozis, sa lanmor ti enn ki vyolan e ki lakoz lanmor sa pti baba i an rezilta ekspoze ek lasaler tre o e osi delo dan son lanmwel.

Antretan, lakour in larg sa aprezan 2 akize dan sa ka lo serten kondisyon tel ki remet zot paspor avek lakour, siny liv lakour kot kordgard Anse Royale en fwa par semenn e siny en kosyon 25 mil roupi. Sa 2 akize pou repas ankour le 8 Fevriye 2023.

 

Kominike sorti kot departman Lapolis

More news