Kominike Lapolis |07 January 2022
En madanm i kondann 2-an prizon pour omisid envolonter
Nathalie Bacco, aze 27-an sorti Beau Belle, in kondann 2-an prizon pour lofans omisid envolonter.
Lakour Siprenm ti rann zizman dan sa zafer yer bomaten.
Bacco i manman sa pti baba ki ti ganny dekouver mor dan bin dan zanmerant GranKaz Bel Ombre le 12 Zilyet 2021.
Prenan kont son bann rapor lasante ki lakour ti’n rekonmande avan pas zizman lo akize dan sa ka, ziz ki’n ekout sa zafer in ordonnen ki santans Bacco i ganny sispann.
******
Lapolis i ouver lanket dan lanmor en zonm dan ICU
Lapolis in konmans en lanket dan lanmor en zonm aze 52-an sorti dan distrik Takamaka ki ti arive dan younit swen entansif (ICU) Lopital Sesel.
Antretan lapolis pe esper rapor rezilta letopsi pour etabli lakoz ek sirkonstans son lanmor.