Etidyan i ganny arete pour lager an piblik |28 October 2021
Swivan video ki an sirkilasyon lo rezo sosyal kot 2 fiy dan liniform lekol ti pe lager anba en bus stop dan distrik Perseverance, lapolis in konmans en lanket dan sa ka e anrezistre en ka ‘lager dan landrwa piblik’ kont sa 2 fiy (affray).
Sa rapor ti ganny fer stasyon lapolis Perseverance Mardi le 26 Oktob 2021 ver 9er 39 bomaten.
Lapolis in fini aret e pe detenir enn ant sa de fiy dan sa ka antretan ki lanket i kontinyen.
Lapolis pe fer sorti en lapel kler e for avek tou etidyan lekol ki zot pa pou toler sa bann ka agresyon fizik e menm moral ki pe arive kot bann lekol. Tou sa bann ka pou ganny trete serye e ansanm avek bann lezot partner konsernen askyon pou ganny pran. Zenn i bezwen konmans aprann ki i annan konsekans pour zot aksyon e i zot devwar pour pran zot responsabilite e arete denigre zot lekor, fanmir ek zot lenstitisyon skoler.
Kominike Lapolis