Marlon Etienne i mor an rezilta entoksikasyon sever |05 November 2020
Lapolis in raporte ki rezilta letopsi fer lo lekor Marlon Etienne, sa zonm 24-an sorti La Misère ki ti mor soudennman Corgat Estate apremidi Dimans le 1 Novanm, in demontre ki in mor par entoksikasyon sever apre servi sibstans toksik an ekse atraver enzeksyon sereng.
Letopsi lo lekor Marlon ti fer yer bomaten e lapolis pe kontiny zot lanket dan sa ka pour etablir sirkonstans otour sa lensidan trazik.
Kominike Lapolis