Loperasyon servis lapolis in bouze an preparasyon pour konstriksyon nouvo kordgard La Digue |15 July 2020
Travay lo kordgard La Digue pe al konmanse
Avek travay demolisyon ki pe al konmanse nenport moman pour fer plas pour en nouvo stasyon lapolis lo La Digue, lapolis i oule enform tou Digwa e piblik an zeneral ki son loperasyon toulezour in depi Lendi le 13 Zilyet bouz dan sa batiman (lakaz gard) trouve zis obor Lazans Servis Tenny Dife ek Sovtaz, La Passe.
Lapolis i reasir manm piblik lo sa zil ki son servis e ler loperasyon i reste parey – 24 er lo 24.
Manm piblik i kapab raport an personn oubyen telefonn sa bann nimero swivan pour lasistans : 4288128, 2631552, 4234395, 4288129 (station commander).
Lapolis i oule remersi zot pour zot konprenezon e bon korperasyon pandan realizasyon sa proze.
Kominike lapolis