Laranzman transpor pour bann etidyan premye ek dezyenm lannen SIAH |29 February 2020

Minister Ledikasyon ek Devlopman Resours Imen i oule enform paran ek bann etidyan premye ek dezyenm lannen SIAH (Seychelles Institute for Agriculture and Horticulture) ki pe al lekol Grand Anse Mahé aparti Lendi le 2 Mars, ki laranzman transport i konm swivan:

• En bis pou kit Terminal 06:40 bomaten, an pasan par Cascade, Les Canelles ziska Grand Anse
• Bann etidyan ki reste La Misère, zot ganny demande pour servi bis piblik ki kit Terminal 05:50; 6:20 e 6:50 bomaten, an pasan par Port Launay via La Misère.

Dan apremidi, bis pou kit kot lekol aparti 3:10, an pasan par Les Canelles pour al Victoria.

Bann etidyan ki reste La Misère, zot ganny demande pour pran bis piblik ki kit Port Launay aparti 3:30 apremidi.

Kominike Minister Ledikasyon ek Devlopman Resours Imen