Kominike Lapolis |18 March 2026
Kominike Lapolis
En zonm i ganny blese dan en bagar Anse Aux Pins
En zonm 38-an sorti Caryole Estate, Anse Aux Pins in admit Lopital Sesel avek serten blesir ase serye, me son kondisyon in ganny dekrir koman stab.
En fanm 24-an sorti Anse Aux Pins pe rimann an detansyon lapolis pour 7 zour koman sispe pour lofans koz dimal grav en endividi.
Sa lensidan ti ganny raporte avek lapolis le 15 Mars 2026, ver 1er 30 apremidi. En lanket in komanse dan sa ka.
*****
En zonm i an detansyon koman sispe pour lofans lesey mert
Lapolis in komans en lanket dan en ka kot en zonm 48-an sorti Capucins, Anse Aux Pins in admit dan younit swen entansif Lopital Sesel dan en leta kritik.
En zonm 44-an sorti Bougainville in ganny arete koman en sispe dan sa ka, pour lofans lesey pour komet mert. In pas devan Lakour Mazistra Anse Royale yer bomaten kot in ganny rimann an detansyon lapolis pour 14 zour.
Sa lensidan, ki ti ariv Anse Aux Pins, ti ganny raporte avek lapolis le 15 Mars 2026 ver 8er 15 diswar.
Departman Lapolis