Lazournen Enternasyonal pour Ledikasyon |24 January 2026

‘Donn pouvwar bann profeser, protez bann drwa, form en lavenir’

“Komisyon Drwa Imen Sesel (SHRC) i zwenn avek lemonn antye ozordi, le 24 Zanvye 2026, pour selebre Lazournen Enternasyonal pour Ledikasyon anba tenm: ‘The power of youth in co-creating education’ – ‘Selebre lafors lazenes an kolaborasyon avek lezot lenstitisyon pour kree ledikasyon’.

“Sistenm ledikasyon i pli efikas ler bann etidyan i ganny rekonnet konman bann partisipan aktiv ansanm avek zot bann profeser ek zot lenstitisyon edikasyonnel. Komisyon Drwa Imen i fer rapel ki tou edikater, depi lo nivo pti lanfans ziska adilt i annan en rol kle pour protez drwa sa bann etidyan, ankouraz partisipasyon, e promouvwar lazistis ek respe pour tou sitwayen Sesel.

“Nou langazman i Nomination of Early-Career Teacher for International Day of Education 2026 Session – 23 January 2026 baze lo lobzektif devlopman soutenab nimero 4 (Sustainable Development Goals) ekKonvansyon lo Drwa bann Zanfan, e sa i ganny ranforsi par bann rekonmandasyon Truth, Reconciliation and National Unity Commission (TRNUC) ki met lanfaz lo ledikasyon pourgaranti ki larmoni sosyal ekresponsabilite sak sitwayen i ganny valorize.

“Komisyon Drwa Imen Sesel i reafirm tou son sipor pour tou edikater, profeser, partener kle, ek lenstitisyon edikasyonnel ki garanti ki lavwa nou bann zenn i ganny tande.

“Komisyon i rekonnet zot kontribisyon dan devlopman en Sesel pli dirab.

“Komisyon i pran sa loportinite pour lans en lapel avek tou lenstitisyon pour rekonnet e apresye rol bann edikater. Ler nou donn pouvwar bann edikater, nou protez nou drwa an retour; e ler nou protez nou drwa, nou osi ede konstrir en lavenir baze lo dignite, egalite ek lazistis pour tou nou sitwayen.”

Komisyon Drwa Imen Sesel (SHRC)