Kominike lapolis |07 November 2025
Kominike lapolis
Lekor en zonm i ganny dekouver dan en lakaz Mont Fleuri
Lapolis ti yer bomaten dekouver lekor en zonm ki ti’n komans dekonpoze, dan en lakaz Corgat Esate, Mont Fleuri. Dapre lapolis sa viktim i en zonm aze 51-an sorti Anse Aux Pins.
Lapolis ti ganny alerte lo sa dekouvert ver 9er45 bomaten pour lasistans, apre ki bann endividi ti’n santi en loder abnormal pe sorti kot en lakaz. Lapolis in komans en lanket an atandan rezilta letopsi pour etablir sirkonstans otour son lanmor.
Semen ‘highway’ i fermen ozordi depi 9er bomaten ziska apremidi
Motoris pe ganny enformen ki semen depi dan ron pwen Providence pour al highway ver erport, e semen dan ron pwen erport pour al ver highway Providence, pou konpletman fermen ozordi, Vandredi le 7 Novanm 2025, aparti 9er bomaten, ziska tar apremidi.
Sa pou permet lapolis ek lezot lazans konsernen fer en travay survey an relasyon avek sa wityenm ka aksidan fatal ki ti arive le 3 Oktob 2025. Motoris pe ganny averti pour servi semen alternativ par Cascade pour ariv zot destinasyon.
Departman lapolis i demann korperasyon bann motoris.