Kominike lapolis |28 October 2025
En zonm etranze i prezimen noye
En zonm Alman aze 47an in prezimen noye yer apremidi dan lanmer Grand Anse Mahe tandis ki son konpanny li osi en Alman, in resisi ganny sove.
Sa ti par de sivilyen, Neddy Julie ki en ansyen ‘life guard’ ek Harly Andre ki li in bezwen ganny transporte Lopital Sesel pour swen medikal pli spesyalize.
Dan en kominike, lapolis i dir Msye Julie ek Msye Andre in demontre kouraz ek devosyon dan lesey pour sov lavi sa de viziter ki ti an detres.
«Departman lapolis i salye kouraz ek aksyon brav sa de sivilyen pour zot aksyon remarkab,» sa kominike i dir.
Lapolis ti ganny alerte lo sa lensidan ver 3er10 apremidi pour lasistans. En lanket in komanse dan sa ka.