Judo Sesel i perdi Sensei Andre Cesar |14 April 2025

Judo Sesel i perdi Sensei Andre Cesar

Sensei Andre Cesar, ou senpleman Cesar parey bokou fwa i ti egzize ki nou apel li, ti ne le 17 Fevriye 1958. I ti kit sa monn le 4 Avril 2025 a laz 67-an.

Nou prezan zot en temwanyaz fer par Sandra Jeanne, tyermenn Federasyon Judo Sesel, zour lanterman Sensei Cesar Zedi pase. Sensei Cesar in kit deryer son madanm, senk fiy ek de garson.

«En mari, en papa, en lenstrikter, en zanmi, en zofisye tenny dife, en koleg travay e plis ankor pour serten, me pour nou ki pratik judo, bokou fwa in sa enn kin’ zwe plizyer rol dan nou parkour judo.

«Sensei Cesar ti konmans pratik judo byen boner dan bann lannen 80, e in plizyer fwa rakont nou lo son parkour judo sesel.