Kominike Lapolis |07 March 2025
En zonm i rimann pour 16 zour an detansyon lapolis
En zonm aze 46-an sorti Chetty Flat, Anse Aux Pins, in ganny rimann pour 16 zour an detansyon lapolis konman sispe dan en seri ka kas lakaz e vole ki’n resaman arive dan rezyon Anse Aux Pins.
Sa sispe pou repas devan Lakour Mazistra le 19 Mars 2025.
******
Ronny Baptiste i formelman ganny sarze devan Lakour Mazistra
Ronny Baptiste aze 32-an sorti Perseverance in formelman ganny sarze devan Lakour Mazistra, Ile du Port, dan 2 ka. Sa i pour lofans arme avek lentansyon pour komet en lofans e an posesyon en zouti ofansiv
Mazistra ki ti pe ekout sa ka in larg Baptiste lo sa bann kondisyon swivan: pour siny en ‘Bail Bond’ 8 mil roupi, pour pa komet ou ganny sarze avek okenn lofans similer pandan letan ki i deor lo laliberte provizwar, pour siny liv lakour dan kordgard Perseverance tou le Vandredi ant 6er bomaten a 4er apremidi.
Sa akize ti resaman ganny large par Lakour Mazistra le 3 Desanm 2024 pour bann lofans similer e i ti lo plizyer kondisyon, kot in kas sa bann kondisyon ki lakour ti’n enpoz lo li.
Sa akize pou repas devan lakour le 21 Mars 2025.