Kominike Lapolis |17 December 2024
Sispe dan en ka agresyon i lo rimann
En zonm 25-an sorti Val D’Andorre, Baie Lazare, i lo rimann pour 14 zour konman sispe dan en ka pour koz dimal grav en endividi.
Sa i an relasyon avek sa lensidan Dimans Val D’Andorre, Baie Lazare kot en zonm 21-an ti sibir blesir ase serye lo en parti son lekor pandan en komosyon son bomaten e plitar ganny admit dan younit swen entansif Lopital Sesel apremidi.
Lapolis ti ganny alerte lo sa lensidan ver 11er 55 bomaten.
*******
Sabrahim Mathiot i lo rimann konman sispe dan en ka vol
Sabrahim Mathiot aze 29-an ki pa dan en lanplwa e sorti Grand Anse, Praslin, in ganny rimann 7 zour prizon Montagne Posée, an koneksyon avek en nouvo ka vol ki lapolis pe fer lanket ladan.
Sa ka ti raporte avek lapolis le 24 Novanm 2024. Lapolis, atraver prosekisyon, ti alert mazistra konmkwa Mathiot ti’n kas lord ek kondisyon ki Lakour Mazistra ti’n enpoz lo li, le 5 Desanm 2024, letan i ti ganny sarze e kondannen dan 2 ka pour lofans vole.