Kominike Lapolis |22 August 2024
En zonm 50-an i dan ICU swivan en aksidan
En zonm 50-an sorti Eden Village i admit dan younit swen entansif (ICU) Lopital Sesel dan en leta kritik, an rezilta en aksidan ki’n arive yer apremidi Roche Caiman.
Dapre rapor inisyal ki lapolis in ranmase, sa zonm ti pe travers semen, ler i ti ganny tape avek en transpor. Sa zonm in sibir dimal grav dan son latet e plizyer parti son lekor.
Lapolis ti ganny alerte lo sa aksidan ver 3er 10 apremidi.
En lanket in konmanse dan sa ka.