En deteni madanm avek nasyonalite Franse i ganny trouve mor dan son kaso |22 June 2024

Lapolis in konmans en lanket dan en ka kot en deteni madanm aze 57-an, sorti Côte D’Or, Praslin avek nasyonalite Franse, me ki ti pe reste Sesel pour plizyer lannen, in ganny dekouver mor yer granmaten dan son kaso dan Kordgard Grand Anse Praslin.

Sa sispe ti’n ganny arete le 20 Zen 2024.

Sa i apre ki zofisye medikal kot Sant Lasante Baie St Anne Praslin ti’n demann lasistans lapolis, apre ki sa madanm ti pe konport son lekor dan en fason dezordonnen dan sa lopital, e enterfer avek louvraz sa bann zofisye medikal.

Pandan letan ki lapolis ti’n reponn lapel pour lasistans, sa sispe ti ankor pe konport li dan en fason dezordonnen, kot apre plizyer warning ki zofisye lapolis ti’n donn li, in refize pour korpere kot in ensilte bann zofisye lapolis, fer lagresyon fizik lo zofisye lapolis kot in menm kras lo sa bann zofisye, kot la i ti ganny arete e detenir kot kordgard Grand Anse Praslin.

Kominike departman Lapolis