Kominike Lapolis |04 April 2024
Lapolis i fer lanket dan lanmor en zonm 43-an
Lapolis in konmans en lanket annatandan rezilta letospsi pour determin lakoz e sirkonstans otour lanmor en zonm 43-an sorti Belvedere, ki’n arive tar Mardi apremidi danrezyon Pascal Village.
Lapolis ti ganny alerte lo sa lensidan ver 5er15 apremidi pour lasistans, apre ki sa zonm ti’n ganny trouve pa pe reazir ater obor semen.
******
En zabitan Anse Boileau i ganny arete pour plizyer lofans
Venice Vintigadoo aze 24-an ki pa dan en lanplwa e ki sorti Anse Boileau, in formelman ganny sarze devan LakourMazistra Anse Royale yer dan en ka antre dan en lakaz avek lentansyon pour komet en lofans, de ka trespas kriminel ek en ka pour andomaz propriyete.
Sa akize ti komet sa bann lofans pandan mwan Desanm 2023 a Fevriye 2024.
Mazistra ki ti pe ekout sa ka in ordonnen ki Venice Vintigadoo i ganny rimann prizon Montagne Posée ziska le 15 Avril 2024, zour ki i ekspekte repas devan Lakour.
Kominike departman Lapolis