Nouvo servis laplikasyon paspor biometrik |01 March 2024
Apartir le 1er Mars 2024, sitwayen Seselwa ki pe reste, travay oubyen etidye Lafrans, Grann Bretanny ek Emira Arab Ini (UAE), pou kapab fer zot laplikasyon ek prosedir pour resevwar zot paspor biometrik, san ki zot bezwen fer deplasman pour vin Sesel.
Sa i swiv lenplimantasyon en proze konzwent par Departman Limigrasyon ek Leta Sivil, Departman Zafer Etranzer ek Departman Teknolozi Lenformasyon e Kominikasyon, pour reponn bezwen popilasyon Seselwa ki pe viv aletranze.
Lenstalasyon lekipman e formasyon teknik in konplete pandan sa dernyen semen kot lanbasad Sesel Paris, Lonn ek Abu Dhabi.
Zis pour note ki sa lobzektif in ganny realize 14 mwan apre ki sa proze paspor biometrik ti konmanse Sesel an Desanm 2022.
Demars pour lans sa servis Kanada ek Lostrali i ankour e Seselwa ki pe viv dan sa de pei, i kapab kontakte Departman Zafer Etranzer pour plis lenformasyon lo ladres Email: diaspora@mfa.gov.sc
Sitwayen ki pe reste oubyen etidye an Frans, Grann Bretanny, UAE, e pei avwazinan ki ti a kontan benefisye avek sa servis, i ganny demande pour pran kontak konm swivan:
1. Laplikasyon pour en nouvo paspor Tel: +248 4293606 Email: m.laporte@gov.sc
2. Laplikasyon pour renouvle en paspor oubyen ranplas en paspor perdi ouswa andomaze
Tel: +248 4293626 ou Email: gfrancoise@immigration.gov.sc
Plis detay lo prosedir laplikasyon i trouve lo sitweb: www.ics.gov.sc
En kontribisyon