Francis Olivia i ankor manke |16 February 2024

Lapolis in konfirmen ki Francis Olivia ki ti raporte manke le 31 Zanvye, 2024 i touzour ankor manke.

Lapolis pe demann nenport endividi ki konnen oubyen annan lenformasyon lo kote Msye Olivia i kapab ete pour kontakte kordgard Persévérance lo 4288093 ouswa okenn stasyon lapolis pli pros irzan, ou atraver son sant komann lo 4288000, 999, 122 ou atraver bann platform lapolis lo rezyo sosyal. 

Msye Olivia aze 56-an i sorti North East Point. 

Francis Olivia ti dernyen ganny vwar kot en laboutik La Retraite, abiye dan en kannson blan, e i pa ti dan okenn triko.

Dapre son manm fanmiy, Francis pa en dimoun ki abitye absante kot lakour e i osi annan en kondisyon lasante mantal. 

Kominike sorti kot departman lapolis