Bryan Auguste aze 65-an i manke |15 February 2024

Lapolis pe demann nenport endividi ki konnen oubyen annan lenformasyon kredib lo kote Msye Bryan Auguste aze 65-an sorti Ma Joie, i kapab ete pour kontakte Kordgard Santral lo 4288054 ouswa okenn stasyon lapolis pli pros irzan, ou atraver son sant komann lo 4288000, 999, 112 ou atraver bann platform lapolis lo rezyo sosyal.

Msye Auguste in kit son lakour depi Dimans le 11 Fevriye 2024, ver 8er30 bomaten. I ti dan en triko kouler blan ki lo la i ekri ‘Chelsea’ e i ti dan en kannson karo karo blan ki bat lo zenou.

Ziska prezan son fanmir pa konnen kote i ete.

Kominike sorti kot departman lapolis