Lanmor ansyen sef sirentandan Joseph Isnard |14 February 2024

Defen sef sirentandan Joseph Isnard

Departman lapolis in aprann lanmor ansyen sef sirentandan Joseph Isnard ki ti arive Dimans le 11 Fevriye 2024.

Msye Isnard in ganny dekrir konman en zonm ki ti tre strik, serye e disiplinen dan son travay konman en polisye.

I ti renonmen pour etablir lord e respe dan lakominote e i ti ganny bokou respe.

Msye Isnard in annan en long karyer dan Lafors Lapolis Sesel kot in pas atraver plizyer younit.

Apre ki i ti’n pran son retret e pe travay prive, Msye Isnard ti ganny apele pour vin pran komann ‘Tourism Police’ an 2008. I ti deservi sa younit ziska ki i ti fermen.

Son servis fineray pou fer Vandredi le 16 Fevriye 2er apremidi legliz Bon Pasteur, Mont Fleuri.

Komisyoner lapolis Ted Barbé, manm ekzekitiv dan lafors lapolis e bann polisye i partaz zot kondoleans avek la fanmir Isnard pandan sa moman difisil.

Kominike sorti kot departman lapolis