En zonm Digwa i ganny sarze pour de lofans |07 February 2024

Daniel Radegonde aze 30-an sorti L'Union, La Digue in formelman ganny sarze devan Lakour Mazistra dan de ka. Sa i pour antre dan en lakaz avek lentansyon pour komet en lofans, e trespas kriminel.

Mazistra in larg Radegonde lo sa bann kondisyon swivan: pour pey en kosyon 10 mil roupi pour son laliberte provizwar, pour prodwir de dimoun konman en garanti 10 mil roupi sakenn pour asir son prezans devan lakour letan son ka pe ganny ekoute.

I osi napa drwa enterfer avek temwen dan sa ka e i bezwen sinny liv lakour trwa fwa par semenn kot kordgard La Digue. Radegonde I osi bezwen obzerv en kouvrefe depi 6er diswar ziska 6er bomaten.

Sa akize pa’n reisi akord demann lakour ki fer i aprezan ganny rimann an detansyon Servis Prizon Sesel ziska le 19 Fevriye 2024, zour ki i ekspekte repas an kour.

Si sa akize i arive pey sa kosyon10 mil roupi  i pou ganny large e i pou bezwen swiv sa bann kondisyon ki lakour in enpoz lo li.

Kominike sorti kot departman lapolis