Kominike Lapolis |06 January 2024

Sispe vol i ganny detenir

En garson 17-an sorti North East Point i andetansyon lapolis ziska le 19 Zanvye 2024, zour ki i ekspekte repas devan lakour.

Sa garson i sispe dan en seri ka vol e andomaz propriyete ki’n arive le 4 Zanvye granmaten dan rezyon lavil.

******

Aksidan vizavi terminal bis anvil

I’n konfirmen ki ti annan en aksidan vizavi terminal bis anvil yer apremidi e i annan dimoun ki’n ganny dimal.

Plis detay dan en prosen kominike

********

Lanons prekosyon lo lanmer

Manm piblik pe ganny konseye pour pran bokou plis prekosyon, e respekte bann siny ki mete lo bann lans dezinyen pour pa naze.

Sa i anrezilta kondisyon letan ki pa bon e lanmer move dan plizyer landrwa.

Pour bann endividi ki abitye al lapes lwazir, fer sir ki tou zot lekipman sovtaz i anplas avan zot depar, anka zot rankontre okenn evantyalite. I osi tre enportan pour kit kontak avek zot pros.

Dan okenn ka dirzans telefonn lapolis lo 999/ 112 / 4288000, Servis Lanbilans lo 151 e Lazans Servis Tenny Dife ek Sovtaz lo 4289999 oubyen 111.