Kominike Lapolis |14 September 2023
En zonm 70-an i raporte perdi lo en bato
Lapolis ansanm avek ‘Marine Investigation Board’ in konmans en lanket detaye dan en lensidan ki’n arive lo lanmer kot en zonm 70-an sorti Bel Air apele Julien Laure in raporte perdi lo en bato.
Msye Laure ti patron lo sa bato lapes sorti dan Nor Mahé ki ti kit Mahé le 5 Septanm 2023, ver 11er 30, pour al lapes dan Nor Was Mahé.
Sete le 11 Septanm 2023 ki lapolis ti ganny alerte par propriyeter sa bato menm, ki son bato ki ti’n al lapes ti an detres.
Deswit Gard Lakot Sesel ek zofisye lapolis lamarin ti mobilize pour reponn lapel.
Sa bato ti ekspekte retourn Mahé yer le 13 Septanm 2023.
Kominike sorti kot departman lapolis