Refleksyon par bann peser alokazyon lasemenn dedye a lapes |23 November 2022
‘Lapes i parey lavi … I annan botan ek movetan’ – Dane Lalande (La Retraite)
“Mon ti antre dan lapes letan mon papa ti fer kazye. I ti tranp kazye partou lo resif. Mon’n aprann bokou ek li. Apre lekol mon’n konmans mon karyer dan lapes.
“I gou lapes. Annefe, mon war li bokou parey lavi … I annan botan ek movetan. I annan letan ki ou gannyen e i annan letan ki ou pa gannyen. Ler ou pa gannyen ou pa kapab dekouraze. Reste pozitiv akoz Bondye i toultan partaze. Ler ou pa gannyen i annan en lot ki pe gannyen. Koumsa i ete.”
En kontribisyon Lotorite Lapes Sesel