Kominike lapolis |01 August 2022
Loperasyon resers i kontinyen pour esey retrouv lekor Msye Joseph Lowe
Loperasyon resers i kontinyen pour esey retrouv lekor Msye Joseph Lowe ki ankor manke ziska prezan depi ki lapolis ti ganny alerte lo son disparisyon Sanmdi le 16 Zilyet 2022.
Yer, loperasyon in konsantre dan rezyon erport, Anse Aux Pins ek Au Cap. Ziska prezan resers pa ankor abouti dan nanryen
Lapolis pe egalman kontinyen lans lapel avek manm piblik ki si zot apersevwar ou santi okenn loder abnormal pour ganny kontak avek son sant komann lo 4288000 / 999 /112 ou 133.
****
Lapolis i rikord setyenm ka aksidan fatal
Lapolis in konmans lanket dan en lot aksidan fatal swivan kolizyon ant 2 loto.
Se en zonm 45-an apele Daniel Victor ki reste Les Mamelles ki’n viktim sa aksidan lo laveni Bois de Rose Vandredi granmaten.
Msye Victor ti apre aksidan ganny trete e ganny large ansanm avek 3 son pasaze me plitar aswar i ti reganny anmenn lopital kot i ti apre ganny sertifye mor.
Dapre rapor inisyal sete en loto dray par en garson 20-an sorti Mont Fleuri ki ti’n tap lo transpor Msye Victor. In osi etabli ki sa garson pa ti dan son semen apropriye o moman sa kolizyon.
An se moman sa garson 20-an i ankor admit Lopital Sesel e son kondisyon i stab.
Lanket i an progre dan sa ka fatal.
Kominike sorti kot departman lapolis